Laufskörð-Hátindur

Laufskörð-Hátindur 7. maí

Ekið sem leið liggur upp í Mosfellsdal og beygt til hægri (vinstri) við Selholt, sem er nokkuð fyrir ofan hús Skáldsins, Gljúfrastein. Verður þeim vegi fylgt yfir hálsinn, framhjá Skeggjastöðum og yfir Leirvogsá hjá Hrafnhólum. Skömmu síðar er komið að hliði á hægri hönd sem farið verður í gegnum(ef það er ekki læst) og þeim vegi fylgt alveg að bílaplani við göngubrú yfir Skarðsá þar sem gangan hefst.

 

Eftir að við erum komin að upphafsstað göngleiðainnar er stefnt til fjalls, nánar tiltekið á Bláhnúk, sem er skammt fyrir neðan Móskarshjúkana. Af Bláhnúki er haldið beint upp í Móskörðin. Þegar í Móskörðin er komið er haldið vesturs og skörðin þrædd alveg að Laufskörðum.
Hér áður fyrr var gönguleiðin um Laufskörð vart fyrir aðra en fótvissar fjallageitur sem ekki þjáðust af lofthræðslu, enda lá gönguleiðin um örmjótt einstigi utan í þverhnýpi og lítið um hald. Ferðafélag Íslands hafði forgöngu um að gera leiðina um Laufskörð greiðfærari og öruggari og færa flestum ef ekki öllum sem eiga leið þarna um.
Eftir að menn hafa gengið um Laufskörðin er haldið áleiðs inn á Esjuna fyrir ofan Þverárdal, haldið er umhverfis hann, með stefnuna á Hátind(909) í bogalegri göngu. Göngum síðan fram hrygginn og niður klettabeltið og Þverárkotsháls að upphafsstað göngunnar.

Höskuldur Jónsson, fyrrverandi forseti F.Í,

hélt  utan um framkvæmdir í skörðunum.

Hann veit fátt betra en ganga í skörðin

þegar kvöldsólin skín.

Vegalengd: um 11 km
Göngutími: um 6 klst
Hækkun: 800. m
Mestahæð: 909. mGPS

 

Eins og alltaf þá eru allir velkomnir, kvetjum við alla félagsmenn jafnt sem aðra til að mæta og taka þátt í ódýrri líkamsrækt og göngu í skemmtilegum félagsskap.

Mæting er við Samkaup (Hornið) kl. 9:00, stundvíslega, þar sem safnast verður saman í bíla.

Heimild: veraldarvefurinn og könnun á vettvangi. Göngukveðja Ferðafélag Árnesinga